تلكس إلى: بقلم محمود معروف
** غدا تقابلون "الاتحاد" في "برج" العرب.. لا تقولوا الفريق في "برج" النحس.. فإما ال 3 نقاط.. واما "برج" الجزيرة بجواركم ترموا من فوقه صاحبنا.. قصدي صاحبكم!!
سمير زاهر:
** معظم الاندية تشكو ظلم التحكيم.. احذر ثورة الغضب خصوصا واتحاد الكورة قدام النيل!!
جوزيه:
** انت اعظم مدرب واحسن واحد يعمل تغيير.. بس وحياة "روي" ابنك مش "روي" بتاع صالح سليم مين الزملكاوي المجرم اللي جاب لكم جونيور!!
حسن شحاتة:
** انت لسة شفت حاجة.. طول ما صاحبك في اتحاد الكورة مش هتشوف حاجة!
جهاد جريشة:
** الحق.. ضميرك لقوه مرمي جنب سور الكلية الحربية!!
عصام صيام:
** سنفضحكم إذا لم يقل لك جريشة من قال له يوم المباراة سأمنعك من التحكيم لو احتسبت ضربة جزاء للزمالك!!
أمناء الشرطة:
** بدلا من الاعتصام وتعطيل المصالح روحوا شجعوا "اتحاد الشرطة".. زمان غنت لكم سعاد حسني "أمين شرطة" اسم الله.. ولو عاشت لغنت لكم "أمين شرطة"؟ يفتح الله!
"غزل" المحلة:
** بدلا من الصعود والهبوط ووجع القلب.. استفيدوا من أرض الاستاد وابنوا عليها 3 عنابر للغزل!!
ليست هناك تعليقات:
إرسال تعليق